ဒီမိုကရေစီစနစ်နဲ့မကိုက်ညီတဲ့နိုင်ငံပိုင်သတင်းစာတွေကို ကိုင်တွယ်ဖြေရှင်းမည်ဟု ဒေါ်အောင်ဆန်းစုကြည်ပြော
ကြည်က နိုင်ငံပိုင်သတင်းစာတွေဆိုတာ ဒီမိုကရေစီစနစ်နဲ့ကိုက်ညီခြင်းမရှိတဲ့အတွက် သူတို့အစိုးရလက်ထက်မှာ ဒီကိစ္စကို အမြန်ဆုံး ကိုင်တွယ်ဖြေရှင်းမယ်လို့ ပြောဆိုလိုက်ပါတယ်။
RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့က ဆက်သွယ်မေးမြန်းခဲ့ရာမှာ သူက အခုလို ပြောကြားခဲ့တာပါ။
"အစိုးရပိုင် သတင်းစာတွေဘာတွေဆိုတာ ဒီမိုကရေစီနဲ့ သင့်လျော်တဲ့ကိစ္စတွေမဟုတ်ဘူးလို့ ထင်တယ်လေ၊ ဒါပေမဲ့ ဒါကို နေ့ချင်းညချင်း ကျမတို့ မလုပ်ပါဘူး၊ သေချာတိုင်ပင်ပြီးတော့မှလုပ်မှာပါ၊ ဒါပေမဲ့ သိပ်လည်းအချိန်မဆွဲချင်ဘူး၊ ဒီမိုကရေစီနည်းလမ်းကျအောင်လို့ အမြန်ဆုံးလုပ်မှပဲ ဒီနိုင်ငံဟာ အဆင်ချောသွားမှာပါ"
လာမယ့် ဇန်နဝါရီလ ၁၂ ရက်နေ့ကျင်းပမယ့် ငြိမ်းချမ်းရေးညီလာခံကို လွှတ်တော်တာဝန်တွေ များနေတာကြောင့် သူတက်ရောက်မှာ မဟုတ်ဘူးလို့ ဒေါ်အောင်ဆန်းစု
ကြည် က ပြောပါတယ်။
တဆက်တည်းမှာပဲ သူတို့ NLD လွှတ်တော်ကိုယ်စားလှယ်တွေအနေနဲ့ လစာငွေရရှိပြီးဖြစ်တဲ့အတွက် တလုံးတခဲတည်း နိုင်ငံရေးပင်စင်ချီးမြှင့်ငွေတွေကို နိုင်ငံ့အကျိုးရှိမယ့် စီမံကိန်းတစ်ခုအတွက် လှူဒါန်းမှာဖြစ်တယ်လို့လည်း ဒေါ်အောင်ဆန်းစုကြည် က ပြောကြားခဲ့ပါတယ်။
"အဲ့ဒီဟာတော့ ကျမတို့ ယူမယ်လေ၊ အားလုံးက ဥပဒေကရတယ်ဆိုတော့ ကျမတို့လွှတ်တော် ကိုယ်စားလှယ်တွေလည်းရတယ်၊ ကျမတို့ လွှတ်တော်ကိုယ်စားလှယ်တွေအားလုံး သဘောတူပြီးပြီ၊ ဒီငွေတွေကို ပူးပေါင်းပြီးတော့ နိုင်ငံကိုအကျိုးဖြစ်တဲ့ စီမံကိန်းတစ်ခုအတွက် လှူဖို့ဆိုပြီးတော့ ကျမတို့ ဆွေးနွေးထားတယ်"
ဒါ့အပြင် ဒေါ်အောင်ဆန်းစုကြည်က အခုလို တိုင်းပြည်ပြောင်းလဲချိန်မှာ အသက်ရှင်သန် နေထိုင်ခွင့်ရပြီး နိုင်ငံ့အကျိုးအတွက် ပါဝင်ထမ်းဆောင်နိုင်တဲ့ အခွင့်အရေးတစ်ခု ရရှိနေတာကို မြန်မာပြည်သူပြည်သား အားလုံး ဂုဏ်ယူဝမ်းမြောက်ကြပါလို့လည်း နှစ်သစ်ကူး စကားလက်ဆောင် ပါးလိုက်ပါတယ်။
0 comments:
Post a Comment