ဂျိုးဆက်ပက်ဂွါဒီယိုလာတစ်ယောက် ပရီးမီးယားလိဂ်ကို ရောက်လာတော့မယ်ဆိုတဲ့ သတင်းအပေါ် ဘောလုံးလောကသားတွေ အထူးတလည် စိတ်ဝင်စားလာကြပါတယ်။ အထူးသဖြင့် စပိန်နဲ့ ဂျာမနီမြေတွေမှာ အောင်ပွဲအလီလီရယူခဲ့ပြီးတဲ့နောက် ကမ္ဘာပေါ်မှာ ပြိုင်ဆိုင်မှုအပြင်းထန်ဆုံး လိဂ်ပြိုင်ပွဲလို့ အသိအမှတ်ပြုခံထားရတဲ့ ပရီးမီးယားလိဂ်မှာကော စပိန်သား ဘောလုံးတော်လှန်ရေးသမားရဲ့ အရည်အသွေးတွေကို မှတ်ကျောက် တင်ခံနိုင်ဦးမလားဆိုတာက အားလုံးသိချင်တဲ့ မေးခွန်းတစ်ခု ဖြစ်လာခဲ့ပါပြီ။
ဘောလုံးတော်လှန်ရေးသမား
ဂွါဒီယိုလာကို ဘောလုံးတော်လှန်ရေးသမားလို့ စတင် ဝိသေသပြု ချီးကျူးခဲ့သူကတော့ နာမည်ကျော် အီတလီနည်းပြကြီး မာဆယ်လိုလစ်ပီပဲ ဖြစ်ပါတယ်။ ဘောလုံးလောကမှာ နည်းစနစ်ပိုင်းတော်လှန်ရေးပြုလုပ်ခဲ့သူတွေထဲမှာ အရီဂိုဆက်ချီနောက်ပိုင်း ဂွါဒီယိုလာက အထူးချွန်ဆုံး ဖြစ်တယ်လို့ လစ်ပီက ထောမနာ ပြုပါတယ်။ ဂွါဒီယိုလာဟာ ဘာစီလိုနာအသင်းနဲ့အတူ မရဖူးတဲ့ ဆုဖလား မရှိလောက်အောင် အောင်မြင်ခဲ့တယ်။ အဲဒီကနေ ဘိုင်ယန်ကို ကူးလာတော့လည်း ဥရောပ ချန်ပီယံလိဂ် ဆုဖလားကလွဲလို့ ကျန်တဲ့ အောင်မြင်မှုအားလုံးရယူပြပြီးပြီ။ ဒီရာသီချန်ပီယံလိဂ်မှာလည်း ဘိုင်ယန်က ဗိုလ်စွဲဖို့ ရေပန်းအစားဆုံး အသင်းတစ်သင်းအဖြစ် ရင်ပေါင်တန်း ရပ်တည်နေပါတယ်။ သူကိုင်တွယ်တဲ့ အသင်းတိုင်းဟာ ထိပ်တန်းအဆင့်မှာရှိနှင့်ပြီးသားဖြစ်နေတယ် ဆိုပေမယ့် ဂွါဒီယိုလာ ရောက်လာတဲ့အခါ ပတ္တမြားကို ရွှေကွပ်လိုက်သလို ဖြစ်သွားတာကိုတော့ ငြင်းလို့မရပါဘူး။
‘‘ဂွါဒီယိုလာက ကမ္ဘာ့ဘောလုံးသမိုင်းမှာ အကောင်းဆုံး အသင်းတွေကို ဖန်တီးပြခဲ့တဲ့ နည်းပြဖြစ်တယ်။ လက်ရှိ ကမ္ဘာပေါ်မှာ အကောင်းဆုံးနည်းပြတစ်ယောက်လည်း ဖြစ်တယ်။ တစ်ချိန်က အေစီမီလန်နဲ့ အီတလီတို့ကို ကိုင်တွယ်ခဲ့တဲ့ ဆက်ချီဟာ အပြောင်မြောက်ဆုံး ဘောလုံးတော်လှန်ရေးသမားတစ်ယောက် ဖြစ်ခဲ့ဖူးတယ်။ အဲဒီနောက်မှာတော့ ဂွါဒီယိုလာပဲပေါ့။ ဘာစီလိုနာနဲ့အတူ သူလုပ်ပြခဲ့တာတွေက အံ့ဩစရာပါ။ ပြီးတော့ သူတည်ထောင်ခဲ့တဲ့ ကလပ်အသင်းက ကစားသမား အများစုဟာ နိုင်ငံအတွက် ဥရောပဖလားနှစ်ကြိမ်နဲ့ ကမ္ဘာ့ဖလားတစ်ကြိမ်ရယူပေးခဲ့တယ်။ ဂွါဒီယိုလာဟာ ဘောလုံးသမိုင်းကြောင်းကို တည်ဆောက်ရာမှာ အများကြီး ဖြည့်ဆည်းကူညီခဲ့သူ ဖြစ်ပါတယ်’’လို့ လစ်ပီက ဆိုပါတယ်။
သိပ်မကြာခင်က ရီးရဲလ်မက်ဒရစ်နည်းပြဖြစ်လာတဲ့ ဇနီဒင်း ဇီဒန်းကလည်း ဂွါဒီယိုလာနဲ့ နှိုင်းယှဉ်မှုတွေကို ငြင်းဆန်ခဲ့ပေမယ့် ဒီစပိန်သားဟာ သူရဲ့ မြင်ဆရာ တစ်ယောက်လို့ ဝန်ခံခဲ့ပါတယ်။ ‘‘ဂွါဒီယိုလာက ဂွါဒီယိုလာပါပဲ။ ကျွန်တော်က နှိုင်းယှဉ်မှုတွေကို မကြိုက်ဘူး။ ဒါပေမဲ့ မှန်တာကို ပြောရရင် သူအပါအဝင် ကျွန်တော်သိခဲ့တဲ့ ဟိုဆေးမော်ရင်ဟိုနဲ့ ကားလို့ အန်ဆယ်လော့တီတို့လို နည်းပြကောင်းတွေဆီက ကောင်းကွက်တွေကို ကျွန်တော် လေ့လာသင်ယူခဲ့ပါတယ်’’လို့ ဇီဒန်းက ဖွင့်ဟပါတယ်။
အင်္ဂလန်မြေသို့
ပြီးခဲ့တဲ့ နှစ်ကုန်ပိုင်းမှာ ဘိုင်ယန်အသင်းက သူတို့ရဲ့ နည်းပြဟာ အသင်းနဲ့ သက်တမ်းတိုး စာချုပ်တော့မှာ မဟုတ်ဘူးလို့ ကြေညာချက် ထုတ်ပြန်ပါတယ်။ ရာသီကုန်မှာ ဂွါဒီယိုလာအစား အန်ဆယ်လော့တီနဲ့ အစားထိုးမယ်လို့လည်း ဂျာမန်ချန်ပီယံအသင်းက ကြေညာတယ်။ ဒီသီတင်းပတ် အစောပိုင်းမှာတော့ ဂွါဒီယိုလာကိုယ်တိုင်က သူ့အနာဂတ်ဟာ ပရီးမီးယားလိဂ် ဖြစ်မယ်လို့ ထုတ်ပြောလာပါတယ်။ ‘‘ဘိုင်ယန်ကို စွန့်ခွာခဲ့တဲ့ ကျွန်တော့်ရည်ရွယ်ချက်က အရမ်းရှင်းပါတယ်။ အင်္ဂလန်မှာ ကျွန်တော့်အရည်အချင်းကို စမ်းသပ်ချင်လို့ပါ။ ကျွန်တော့်အသက် (၆၀) ကျော်၊ (၆၅) နှစ်လောက်ဆိုရင်တော့ အသင်းတစ်သင်းမှာ ကြာကြာနေဖြစ်ပါလိမ့်မယ်။ ဒါပေမဲ့ ကျွန်တော့်အသက်က ငယ်သေးတယ်။ စိန်ခေါ်မှုအသစ်တွေကို လိုချင်တယ်။ ဒါကိုက ကျွန်တော့် အိပ်မက်ပဲ’’လို့ဂွါဒီယိုလာက ဆိုပါတယ်။
ဘိုင်ယန်ရဲ့ဂျာမန်ဘောလုံးလောကအပေါ် ကြီးစိုးမှုကို ပိုမိုပီပြင်စေခဲ့တဲ့အပြင် ဥရောပရဲ့ အထင်ကရ အသင်းကြီး တစ်သင်းဖြစ်လာအောင် ပုံသွင်းပေးခဲ့တဲ့ ဂွါဒီယိုလာကို လက်လွှတ်ရတာဟာ အသင်းအတွက် အမှန်တကယ်နစ်နာတယ်လို့ တောင်ပံတိုက်စစ်သမား အာဂျန်ရော်ဘင်က ဖွင့်ဟခဲ့ပါတယ်။ ‘‘ဂွါဒီယိုလာ ထွက်သွားတော့မယ်ဆိုတာက တကယ်စိတ်ပျက်စရာပါ။ ဟုတ်တယ်။ ကျွန်တော်ဒီသတင်းကြောင့် မပျော်နိုင် ဖြစ်မိတာအမှန်ပဲ’’လို့ နယ်သာလန်သားက ပွင့်ပွင့်လင်းလင်းဝန်ခံပါတယ်။ ပြီးတော့ သူက ဂွါဒီယိုလာဟာ ဘောလုံးကို ဘဝနဲ့ထပ်တူ မြှုပ်နှံထားသူလို့လည်း ချီးကျူးခဲ့တယ်။ ‘‘ညကြီးသန်းခေါင် ဖုန်းဆက်ပြီး ဂွါဒီယိုလာနဲ့ ဘောလုံးအကြောင်း ဆွေးနွေးမလား။ ဖြစ်တယ်။ သူကဒါမျိုးဆို ဘယ်တော့မှစိတ်ဆိုးတဲ့သူ မဟုတ်ဘူး’’လို့ ရော်ဘင်က ဂွါဒီယိုလာနဲ့ ပတ်သက်လို့ သူ့အမြင်ကို ပြောပါတယ်။
တီကီတာကာ အမွေအနှစ်
ဂွါဒီယိုလာဟာ ဘာစီလိုနာ အရန်အသင်း နည်းပြဘဝကနေ ပထမအသင်းကို ၂၀၀၈ ခုနှစ်၊ ဇူလိုင်လဆန်းမှာ စတင်ကိုင်တွယ်ခွင့်ရလာခဲ့ပါတယ်။ အဲဒီနေ့ကစလို့ လေးရာသီအတွင်း ဘာစီလိုနာဟာကမ္ဘာ့သမိုင်းမှာအကောင်းဆုံး အသင်းတစ်သင်းအဖြစ် တောက်ပလာခဲ့တယ်။
အထူးသဖြင့် ဂွါဒီယိုလာသွတ်သွင်းခဲ့တဲ့ တီကီတာကာ ဘောလုံးကစားဟန်ဟာ ပြောစမှတ်တွင်လောက်တဲ့ နည်းဗျူဟာ ဆန်းသစ်မှု ဖြစ်လာပါတယ်။ လစ်ပီညွှန်းဆိုခဲ့တဲ့ ဘောလုံးတော်လှန်ရေးဆိုတဲ့ ခေါင်းစဉ်အောက်မှာ တီကီတာကာဟာ အဓိက အစိတ်အပိုင်းက ပါဝင်နေမှာ အသေအချာပါပဲ။
တီကီတာကာဟာ ပြိုင်ဘက် ခြေထောက်ထဲ ဘောလုံးပိုင်ဆိုင်ခွင့် နည်းနိုင်သမျှ နည်းအောင် ဖိအားပေးပြီး ကိုယ့်ခြေထဲမှာ ဘောလုံးထားကစားတဲ့ ဗျူဟာတစ်ရပ်အဖြစ် ယေဘုယျလူသိများပါတယ်။ ဒါပေမဲ့ ဂွါဒီယိုလာရဲ့ ဂန္ထဝင်မြောက် နည်းစနစ်မှာ အနုစိတ်ညွှန်ကြားချက်တွေ အများကြီးနဲ့ အားဖြည့်ထားပါတယ်။ သူကံကောင်းခဲ့တာက နည်းပြ တောင်းဆိုတဲ့အတိုင်း လိုက်ကစားနိုင်တဲ့ လူအင်အားမျိုးဘာစီလိုနာမှာ ပိုင်ဆိုင်ထားခဲ့တာပါပဲ။ ဒါကြောင့်လည်း ဘာစီလိုနာဟာ ဂွါဒီယိုလာကိုင်တွယ်တဲ့ လေး နှစ်အတွင်း ဖလား ၁၄ လုံး ရတဲ့ထိ အောင်မြင်ခဲ့တယ်။
ဂွါဒီယိုလာဟာ တစ်နေရာတည်း ထူးချွန်နေတဲ့ ကစားသမားမျိုးတွေကို အလိုမရှိပါဘူး။ တိုက်စစ်ချည်းကစားတတ်တဲ့ တိုက်စစ်မှူးမျိုး၊ ခံစစ်ပိုင်းမှာပဲ အထူးကျွမ်းကျင်တဲ့ နောက်ခံလူမျိုးအတွက် ဂွါဒီယိုလာရဲ့ ဖီလော်ဆော်ဖီမှာ နေရာမရှိဘူး။ ပြိုင်ဘက်ကို ကွင်းလယ်မှာ ပိတ်ဆို့ပြီး ဖိအားပေးတဲ့အခါ ခံစစ်မှူးတွေက ကွင်းလယ်လူလို ဖြည့်ကစားပြီး တိုက်စစ်မှူးတွေကလည်း ကွင်းလယ်ထိ ပြန်ဆင်းနိုင်ရပါတယ်။ အသင်းသားတိုင်းစည်းချက်ညီညီရွေ့လျားနေဖို့ အရမ်းအရေးကြီးတယ်။ ဒါကြောင့် ခံစစ်မကစားတတ်ပေမယ့် တိုက်စစ်မှာ အင်မတန်ထူးချွန်တဲ့ လီယွန်နယ် မက်ဆီလိုကစားသမားလောက်ပဲ ဘာစီလိုနာမှာ ခြွင်းချက်အဖြစ် နေရာရခဲ့ပြီး ကျန်တဲ့ တစ်သင်းလုံးကတော့ ရှေ့နောက်လွန်းထိုးကစားရသူတွေချည်း ဖြစ်လာတယ်။ ဒီပုံစံခွက်ကို ဂွါဒီယိုလာက ဘိုင်ယန်မှာလည်း မပြောင်းလဲခဲ့ပါဘူး။ ရောဘတ် လီဝမ်ဒေါစကီးလို တိုက်စစ်မှူးတောင်ခံစစ်ကို မကူနိုင်လို့ အရန်ခုံ ရောက်သွားပြီးမှ ပိုလန်သားက ထူးထူးကဲကဲ ဂိုးသွင်းစွမ်းရည်တွေ ပြသနိုင်လွန်းလို့သာ နေရာပြန်ရလာတာ ဖြစ်ပါတယ်။
ဂွါဒီယိုလာလက်ထက် ဘာစီလိုနာမှာ ပါဝင်ကစားဖူးတဲ့ တိုက်စစ်မှူး သီအာရီ အွန်နရီက တီကီတာကာမှာ ကစားသမားတစ်ဦးချင်း တာဝန်ယူရတဲ့ဇုန်ဟာ သိပ်အရေးကြီးတယ်လို့ ရှင်းပြပါတယ်။ သူဟာ အဲဒီခေတ် ဘာစီလိုနာရဲ့ သုံးယောက်တန်း၊ ဘယ်ခြမ်းတိုက်စစ်မှာ ပုံမှန်ကစားလေ့ရှိပါတယ်။ အွန်နရီရဲ့ အဆိုအရ တီကီတာကာရဲ့ အနှစ်သာရဟာ နေရာအလိုက် တာဝန်ကျေမှုနဲ့ ကစားသမားအချင်းချင်း အကြွင်းမဲ့ ယုံကြည်မှု ဖြစ်တယ်လို့ သိရပါတယ်။ ‘‘ဆာဂျီယိုဘက်စ်ကွက်စ်က ပြိုင်ဘက်နဲ့ ဘောလုံးယှဉ်လုပြီးချိန်မှာ အန်းဒရက်စ်အင်နီယေစတာက နောက်ဆင်းလာပြီး ဘောလုံးတောင်းတာမျိုး မရှိဘူး။ သူ့နေရာမှာပဲ သူနေတယ်။ အသင်းဖော်က ကိုယ့်ဆီ ဘောလုံးရောက်အောင် မဖြစ်ဖြစ်တဲ့နည်းနဲ့ ပို့နိုင်မယ်လို့ သူက ယုံကြည်ပြီးသားလေ။ ဘက်စ်ကွက်စ်ကလည်း တကယ်ရောက်အောင် ပို့တာပဲ’’လို့ အွန်နရီက ပြောတယ်။
ဂွာဒီယိုလာက နေရာပုံသေ တာဝန်ယူမှုကို အရမ်းအလေးထားတာနဲ့ ပတ်သက်ပြီးလည်း အွန်နရီက ခုလို ရှင်းပြတယ်။ ‘‘ပွဲတစ်ပွဲမှာ ကျွန်တော်ဘောလုံးသိပ်မရဘူး။ ဒီတော့ နည်းနည်းပျင်းလာတယ်။ အဲဒါနဲ့ပဲ ကျွန်တော့် ဘယ်ခြမ်းနေရာကနေ ခွာပြီး တိုက်စစ် ဗဟိုနေရာကို ရွှေ့ကစားတယ်။ ဂိုးလည်း သွင်းနိုင်ခဲ့တယ်။ ပထမပိုင်းပြီးတော့ ကျွန်တော် ပျော်နေတာပေါ့။ ဂိုးရအောင် သွင်းပြခဲ့တာကိုး။ ဒါပေမဲ့ ဂွါဒီယိုလာကဘာလုပ်တယ်မှတ်သလဲ။ ကျွန်တော့်ကို လူစားလဲထုတ်လိုက်တယ်။ ခင်ဗျားတို့ နားလည်ထားဖို့က ဂွါဒီယိုလာ လက်အောက်မှာ ကစားပြီဆိုရင် သူ့အတွေးအခေါ်၊ သူ့ညွှန်ကြားချက်တွေကို တစ်သဝေတိမ်းလေးစားလိုက်နာရမယ်ဆိုတာပဲ’’လို့ ပြင်သစ်ဂန္ထဝင် တိုက်စစ်မှူးဟောင်းက ဆိုပါတယ်။
ဘိုင်ယန်အခန်းဆက်
ဘိုင်ယန်နည်းပြ ဘဝဟာ ဂွါဒီယိုလာရဲ့ အောင်မြင်မှု မှတ်တမ်းအခန်းဆက်လို့ ဆိုရပါမယ်။ ဘောလုံးနည်းပြ တစ်ယောက်ဟာ နည်းစနစ်ပိုင်းကို အချိန်နဲ့ တစ်ပြေးညီ မွမ်းမံအဆင့်မြှင့်နေဖို့ လိုပါတယ်။ ဒီလို ပြောင်းလဲနိုင်စွမ်းမရှိတဲ့ နည်းပြဟာ ရေရှည်မှာ ဘယ်လိုမှ မအောင်မြင်နိုင်ပါဘူး။ ဂွါဒီယိုလာဟာ ဘိုင်ယန်မှာတော့ သူအရမ်းအားသန်တဲ့ တီကီတာကာ မူပိုင်ဟန်ကနေ ခွဲထွက်ပြီး ဂျာမန် ဘောလုံးလောကရဲ့ စည်းကမ်းပိုင်း၊ စိတ်ဓာတ်ပိုင်း အားသာချက်တွေကို အသုံးပြုတဲ့ ဗျူဟာမျိုးကို သွတ်သွင်းလာပါတယ်။ ဒါပေမဲ့ ဘောလုံးပိုင်ဆိုင်မှုကို အားပြုလိုတဲ့ အခြေခံကတော့ မပြောင်းလဲဘဲ ကွင်းလယ်မှာ ငါးယောက်ထားကစားတဲ့ ပုံစံသစ်ကို ကျင့်သုံးလာတယ်။
ဂွါဒီယိုလာရဲ့ နည်းစနစ်အရ ဘိုင်ယန်ရဲ့ အထင်ကရ ကစားသမား တချို့ဟာ သူတို့ နှစ်ရှည်လများ ဖက်တွယ်လာတဲ့ အကောင်းဆုံး နေရာတွေကို စွန့်ခွာခဲ့ရပါတယ်။ တောင်ပံခံစစ်သမားတွေဖြစ်တဲ့ ဖိလစ်လမ်းနဲ့ ဒေးဗစ်အလာဘာတို့ဟာ ကွင်းလယ်ခံစစ်နဲ့ ဗဟိုခံစစ်ကစားသမားတွေ ဖြစ်လာတယ်။ စပိန်သား တစ်ယောက်ဖြစ်တဲ့တိုင် သူ့ဗျူဟာကို အပြည့်အဝမလိုက်နိုင်တဲ့ ဟာဗီမာတီနက်ဇ် ပွဲထွက်နေရာ ပျောက်သွားတယ်။ သူစိတ်တိုင်းကျ တည်ဆောက်ထားတဲ့ ဘိုင်ယန်မှာလည်း ဂွါဒီယိုလာက ၂ နှစ်အတွင်း ဖလားလေးလုံး ယူပေးခဲ့ပြီး ဒီရာသီမှာလည်း ဘွန်ဒက်စ်လီဂါ ချန်ပီယံဆုအတွက် အလားအလာ ကောင်းနေပြန်ပါပြီ။ ဒါပေမဲ့ စာချုပ်သက်တမ်းကုန်ဆုံးချိန်မှာတော့ အသင်းကနေ ထွက်ခွာတော့မှာ ဖြစ်ပါတယ်။
ဂွါဒီယိုလာအနေနဲ့ ဒီလောက်ကောင်းတဲ့ လူစာရင်းကို ပိုင်ဆိုင်ထားလျက်နဲ့ ဘိုင်ယန်ကို ဘာကြောင့် စွန့်ခွာသွားသလဲဆိုတဲ့ ပဟေဠိတွေတော့ ရှိပါတယ်။ အရိုးရှင်းဆုံးအဖြေကတော့ ဂျာမနီက ဘိုင်ယန်ပရိသတ်တွေရဲ့ ဝေဖန်မှုကြောင့် ဖြစ်နိုင်ပါတယ်။ ဘိုင်ယန်ပရိသတ် အချစ်တော် တိုနီခရူးစ်နဲ့ ဘက်စတီယန် ရှဝိန်းစတိုင်ဂါတို့ကို ရောင်းထုတ်ပြီး ဇာဘီအလွန်ဆိုနဲ့ သီယာဂိုအယ်လ်ကန်ထရာတို့လို စပိန်သားတွေကို ပြန်ဝယ်ခဲ့တဲ့ လုပ်ရပ်အပေါ် ပရိသတ်တွေရဲ့ အနုတ်လက္ခဏာဆန်ဆန်ဝေဖန်မှုတွေနဲ့ ဂွါဒီယိုလာ ကြုံတွေ့ခဲ့ရပါတယ်။ ဒါကြောင့် အသင်းကို အအောင်မြင်ဆုံးထိန်းချုပ် ကိုင်တွယ်နေချိန်မှာ အပြောင်းအလဲတစ်ခုဆီ ဦးတည်ခဲ့ပုံပါပဲ။
ပရီးမီးယားလိဂ် စွန့်စားခန်း
ဂွါဒီယိုလာဟာ ကစားသမားဘဝမှာ အောင်မြင်မှုတွေ အများကြီးရရှိခဲ့သူ ဖြစ်ပါတယ်။ ဒါပေမဲ့ နည်းပြဘဝ အောင်မြင်မှုကတော့ အများကြီးပိုကျယ်ဝန်းလာပါတယ်။ ဥရောပရဲ့ အဆင့်အမြင့်ဆုံး လိဂ်ပြိုင်ပွဲ သုံးရပ်မှာ စပိန်၊ ဂျာမနီနိုင်ငံတွေမှာတော့ သူ့ရဲ့အထွတ်အထိပ် အောင်ပွဲတွေကို ဆက်တိုက်ရရှိခဲ့ပြီးပါပြီ။ အခုတော့ လူပြောများတဲ့ ပရီးမီးယားလိဂ်ကို ရောက်လာပါတော့မယ်။ ပရီးမီးယားလိဂ်ရဲ့ ဘောလုံးအဆင့်အတန်းဟာ စပိန်နဲ့ ဂျာမနီလောက် မမြင့်ကြောင်းဝေဖန်မှုတွေရှိနေပေမယ့် အောက်ဆုံးအသင်းက ထိပ်ဆုံးအသင်းကို အချိန်မရွေး အနိုင်ယူသွားနိုင်တဲ့ အစဉ်အလာမျိုးတွေကြောင့် ပရိသတ်အာရုံကို အဖမ်းစားနိုင်ဆုံး ဖြစ်နေပါတယ်။ ဒီလိုဘက်ညီမှုမျိုးဟာ ဂွါဒီယိုလာအတွက် စိန်ခေါ်မှုအသစ်ဖြစ်လာမှာ သေချာပါတယ်။
လောလောဆယ် ဂွါဒီယိုလာကို ခေါ်ယူနိုင်ဖို့ ရေပန်းအစားဆုံး ဖြစ်နေတာက မန်ချက်စတာ စီးတီးပါ။ ဘာစီလိုနာမှာ နည်းပြစဉ်က သူနဲ့ ရင်းနှီးခဲ့တဲ့ လုပ်ဖော်ကိုင်ဖက်ဟောင်းတွင် စီးတီးရဲ့ ထိပ်ပိုင်းတာဝန်တွေကို ယူထားခြင်းက အက်စ်တီဟတ်နဲ့ ဂွါဒီယိုလာ နီးစပ်ဖို့အလားအလာ အကောင်းဆုံးဖြစ်လာစေပါတယ်။ ဟိုဆေးမော်ရင်ဟိုကို ထုတ်ပယ်လိုက်တဲ့ ချယ်လ်ဆီးကလည်း ကမ္ဘာပေါ်မှာ အပြီးပြည့်စုံဆုံး ဘောလုံးနည်းပြရဲ့ အရည်အသွေး၊ ပါရမီတွေကို အသုံးချခွင့်ရဖို့ ချောင်းမြောင်းကြံစည်နေပါတယ်။ မန်ချက်စတာယူနိုက်တက်ကလည်း လူးဝစ်ဗန်ဂါးလ်ရဲ့ အောက်ကျနောက်ကျ ဒီဇင်ဘာဖြတ်သန်းမှု အပြီးမှာ ဂွါဒီယိုလာကို စိတ်ဝင်စားလာပုံ ပေါ်ပါတယ်။ ဒါပေမဲ့ လက်တွေ့ကျကျ သုံးသပ်ကြည့်ရင်တော့ စီးတီးဟာ သူ့အတွက် အဖြစ်နိုင်ဆုံးလားရာပါပဲ။
‘‘အင်္ဂလန်က ကမ်းလှမ်းမှု တချို့ကို ကျွန်တော်ရထားပါတယ်။ အားလုံးကို ဖြစ်နိုင်ခြေ အရပ်ရပ်ကနေ ချိန်ထိုးပြီး စဉ်းစားနေဆဲပါ။ ဒါပေမဲ့ အခုထိတော့ ဘာကိုမှ စိတ်မပိုင်းဖြတ်ရသေးဘူး’’လို့ ဂွါဒီယိုလာက မယုတ်မလွန် ပြောထားပါတယ်။ ဘာပဲဖြစ်ဖြစ် ပရီးမီးယားလိဂ်ဟာ ဂွါဒီယိုလာ ရောက်လာချိန်မှာ ပိုပြီး မြိုင်မြိုင်ဆိုင်ဆိုင်ရှိလာမှာ သေချာပါတယ်။ လစ်ပီညွှန်းဆိုခဲ့သလို ဘောလုံးလောကမှာ တော်လှန်ရေးတွေ လုပ်ပြခဲ့တဲ့ နည်းပြကောင်း တစ်ယောက်ဟာ အစိမ်းသက်သက် ဖြစ်နေတဲ့ ပရီးမီးယားလိဂ်ကို ချင်းနင်းဝင်ရောက်လာပါတော့မယ်။ ဒါဟာ သူ့သမိုင်းမှာ အောင်မြင်မှု မှတ်တိုင်သစ်တွေကို ဆက်လက် ရေးထိုးနိုင်မယ့် ခြေလှမ်းလား၊ အမည်းစက်စွန်းလာစေမယ့် အသွားမတော်တဲ့ ခြေတစ်လှမ်းလားဆိုတာကတော့ စိတ်ဝင်တစားစောင့်ကြည့်ရမယ့် ရင်ခုန်စရာ ပဟေဠိတစ်ခုပဲ ဖြစ်ပါတယ်။
