ဆောင်းရာသီ အပြောင်းအရွှေ့ဈေးကွက်ကာလဟာ နွေရာသီ အပြောင်းအရွှေ့ ဈေးကွက်လောက်
လှုပ်လှုပ်ရွရွမဖြစ်တတ်တဲ့ အပြောင်းအရွှေ့ဈေးကွက်ကာလ ဖြစ်ပေ မယ့် ဒီနှစ်ဘောလုံးရာသီမှာတော့
ပရီမီယာ လိဂ်က အသင်းငယ်တွေနဲ့ အလယ်အလတ် အသင်းတွေဟာ ဇန်န၀ါရီ အပြောင်းအရွှေ့ ဈေးကွက်ကာလမှာ ပြင်ဆင်အားဖြည့်မှုတွေ တော်တော်လေးလုပ်တဲ့ရာသီ
ဖြစ်နေတာကို တွေ့နေရပါတယ်။
ဘာကြောင့် ပရီမီယာလိဂ်အသင်းငယ်တွေ ဒုတိယရာသီ ၀က်အတွက် ပြင်ဆင်အားဖြည့်မှုတွေ
လုပ်နေ သလဲဆိုတာကို ကြည့်လိုက်ရင်တော့ အလယ် အလတ်နဲ့ အသင်းတွေဟာ လုံလောက်တဲ့
ငွေကြေးပိုင်ဆိုင်ထားကြပြီး တန်းမဆင်းချင် တာကြောင့် ပြင်ဆင်အားဖြည့်နေခြင်းဖြစ်တာကို
တွေ့ရမှာဖြစ်ပါတယ်။
ပရီမီယာလိဂ် ရဲ့ ပြည်ပရုပ်သံခွဲတမ်းက ချန်ပီယံဖြစ်တဲ့အသင်းနဲ့ တန်းဆင်းရတဲ့အသင်းတို့ကြား
ခွဲဝေရရှိမှု အချိုးညီစွာ ရရှိထားတာကြောင့် ပရီမီယာလိဂ်က အလယ်အလတ်အသင်းတွေနဲ့
အသင်းငယ်တွေဟာ ငွေလုံလောက် စွာ ရရှိထားတာကြောင့် သူတို့အသင်းတွေ တောင့်တင်းမှုရှိပြီး
တန်းမဆင်း ရနိုင်ဖို့ အတွက် ကစားသမားတွေကို ဖြည့်တင်းနေ ကြတာဖြစ်ပါတယ်။ ပရီမီယာ
လိဂ်မှာ ဒီရာသီ အင်အားအနည်းဆုံး အသင်းက တန်းတက် လာတဲ့ ဘုန်းမောက်အသင်းလေး
ပဲဖြစ်ပါ တယ်။ ဒါပေမဲ့ အဲဒီဘုန်းမောက်အသင်းလေး ရဲ့ ရုပ်သံဝင်ငွေရရှိမှုက အီတလီက
အေစီမီလန်အသင်းရဲ့ ၀င်ငွေထက်ပိုပြီးကောင်းခဲ့တာကို ထူးခြားစွာတွေ့ရမှာပဲ ဖြစ်ပါတယ်။
ပရီမီယားလိဂ်က အသင်းငယ်လေး ဘုန်းမောက်ဟာ အခုဇန်န၀ါရီအပြောင်းအရွှေ့ ဈေးကွက်
ဖွင့်တဲ့အခါမှာ အေစီမီလန် တိုက်စစ်မှူး အယ်လ်ရှာရာဝီကို ၀ယ်ယူဖို့ ကမ်းလှမ်းခဲ့တာကိုတွေ့ခဲ့
ရပါတယ်။ ဘုန်း မောက် အသင်းလေးက အေစီမီလန်အသင်း ကြီးက အီတလီ လက်ရွေးစင်
တိုက်စစ်မှူး အယ်လ်ရှာရာဝီကို ကမ်းလှမ်းခြင်းက ထူးဆန်းမှု ဖြစ်နေတာကိုတွေ့ရမှာပဲဖြစ်ပါ
တယ်။ ဒီထူးဆန်းမှုကို လေ့လာကြည့်လိုက်တဲ့ အခါမှာတော့ ဘုန်းမောက်ရဲ့ ၂၀၁၅-၁၆
ဘောလုံးရာသီမှာ ရုပ်သံခွဲဝေမှုကနေ ပေါင် ၇၁ သန်း ရရှိမှာဖြစ်တာကိုတွေ့ရမှာဖြစ်
ပါတယ်။
ဒီပမာဏက ဘုန်းမောက်ကို တောင့်တင်းတဲ့ အသင်းဖြစ်အောင် တည်ဆောက်လို့ရနိုင်တဲ့
ပမာဏ ဖြစ်နေတာကို တွေ့ရမှာဖြစ်ပါ တယ်။ စီးရီးအေရုပ်သံခွဲဝေမှု မှာ အေစီမီလန်ဟာ
ဘုန်းမောက်ရမယ့် ပမာဏ လောက်မရတာကို တွေ့နေ ရပါတယ်။ ဒါဟာ ပရီမီယာ လိဂ်နဲ့
စီးရီးအေရဲ့ ရုပ်သံ ခွဲဝေပေးမှု မတူညီသော ကွာခြားမှုပဲဖြစ်ပါ တယ်။ အေစီမီလန်ဟာ
ဘုန်းမောက်ထက် ၀င်ငွေအရပ်ရပ်မှာ သာကောင်းသာသွားနိုင် ပေမယ့် ရုပ်သံဝင်ငွေမှာတော့ ဘုန်းမောက်ကိုမမီဘူးဆိုတာကို တွေ့ရမှာဖြစ်ပါတယ်။ ဒါကြောင့်လည်း ဘုန်းမောက်ဟာ
အခု ဆောင်းရာသီဈေးကွက်ဖွင့်ချိန်မှာ ကစား သမားတွေဖြည့်တင်းနေတာကို တွေ့နေရပါ
တယ်။ အေစီမီလန်က အယ်လ်ရှာရာဝီကို ကမ်းလှမ်းမှု အဆင်မပြေတဲ့အခါ လိဂ်ချန်ပီယံရှစ်က
ဝုဖ်ဗာဟန်တန် တိုက်စစ်မှူး အေဖိုးဘီကို ပေါင် ၁၂ သန်းပေးပြီးခေါ်လိုက် သလို ရိုးမားတိုက်စစ်မှူး အီတာဘီကိုလည်းခေါ်လိုက်တာကိုတွေ့ရပါတယ်။ ရိုးမား ကစား သမားတစ်ယောက်က
ဘုန်းမောက်ကို လာကစားဖို့ဆိုတာ တော်ရုံမက်လုံးနဲ့ လာမှာ မဟုတ်ပါဘူး။
အီတာဘီဟာ အာဂျင်တီးနား ယူ ၂၀ လက်ရွေးစင်တစ်ဦးပဲ ဖြစ်ပါတယ်။ ပရီမီယာလိဂ်
တန်းဆင်းဇုန်မှာ ရုန်းကန် နေတဲ့ ဆွမ်ဆီးဟာလည်း စီးရီးအေက နာပိုလီ တိုက်စစ်မှူး
ဂါဘီယာဒီနီကိုခေါ်ဖို့ကြိုးစား လျက်ရှိနေပါတယ်။ ဂါဘီယာဒီနီဟာ အသက် ၂၄ နှစ်
ပဲရှိသေးပြီး နာပိုလီမှာ ဦးစားပေးနေရာမရဖြစ်နေသူပါ၊ လူစားဝင် ကစားရင်းနဲ့ အရေးပါတဲ့
ဂိုးတချို့ ကို သွင်းပေးနေသူ ဖြစ်ပါတယ်။ လွန်ခဲ့တဲ့နှစ်က ဆမ်ဒိုးရီးယားကနေ ပေါင် ၉ ဒသ
မ ၇ သန်းနဲ့ ရောက်လာသူပါ။
အီတလီလက်ရွေးစင် အဖြစ် ခြောက်ကြိမ်ကစားခဲ့သူ ဖြစ်ပြီး ဆွမ်ဆီးက သူ့ကို တစ်နှစ်လစာ
ပေါင် တစ်သန်း မက်လုံးနဲ့ ကမ်းလှမ်းနေ တာ ဖြစ်ပါတယ်။ ဆွမ်ဆီးဟာလည်းအသင်းငယ်
တစ်သင်း သာပဲ ဖြစ်ပါတယ်။ ပရီမီယာလိဂ်မှာ တင်ကျန်နိုင်ဖို့ဆိုတာ သူတို့ရဲ့ရည်ရွယ်ချက်
ဖြစ်ပါတယ်။ ဒီလို အသင်းငယ်တွေက အီတလီက ကစားသမားတွေကိုစိတ်ဝင်စားဖွယ်
မက်လုံးတွေပေးနိုင်တာဟာ ပရီမီယာ လိဂ်အသင်းတွေရဲ့ ငွေကြေးတောင့်တင်းလာခြင်းကြောင့်
သာဖြစ်ပါတယ်။ ပြီးခဲ့တဲ့ နွေရာသီ အပြောင်းအရွှေ့တုန်းကဆိုရင် အလယ်အလတ်အသင်း
စတုတ်စီးတီးဟာ အင်တာမီလန် က ဆွစ်ဇာလန်လက်ရွေးစင် ရှာကီရီ ၊ ဘာစီလိုနာက အယ်ဖေလီတို့ကို ခေါ်ယူအားဖြည့်ခဲ့တာကို တွေ့ရမှာဖြစ်ပါတယ်။
ဒီလိုကစားသမားတွေကိုခေါ်ဖို့ဆိုတာ အလယ်အလတ်နဲ့ အသင်းငယ်တွေအတွက်
ဟိုယခင်နှစ်တွေ ကလိုမျိုးဆိုရင် မလွယ်ပါဘူး။ ခြေစွမ်းပြနေတဲ့ လက်စတာအသင်းကို
ကြည့်လိုက်ရင်လည်း ဘွန်ဒက်စ်လီဂါ မိန့်ဇ်ကလပ်က အိုကာဇာကီ၊ ရှော်လ်ကာ
နောက်တန်းက ဖူခ်ျ၊ စီးရီးအေနာပိုလီက အင်လာတို့ကို ခေါ်ထားခဲ့ကြပါတယ်။
လက်စတာ၊ စတုတ်တို့ရဲ့ နွေရာသီပြင် ဆင်မှုက အခုဆောင်းရာသီမှာ ဘုန်းမောက်၊
ဆွမ်ဆီး၊ နောဝစ်ခ်ျတို့အတွက် နမူနာဖြစ်လာ ခဲ့တာဖြစ်ပါတယ်။ ပြီးခဲ့တဲ့နွေရာသီက
လက်စတာ၊ စတုတ်တို့တင်မဟုတ်ဘဲ ၀က်စ်ဟမ်းနဲ့ ခရစ္စတယ်ပဲလေ့စ်တို့ဟာလည်း
အားထားရတဲ့ ထိပ်တန်း ကစားသမားတွေကို ဖြည့်တင်းခဲ့တာကို တွေ့ရမှာ ဖြစ်ပါတယ်။
ဝက်စ်ဟမ်းမှာ အားထားရသူဖြစ်နေတဲ့ ပေယက်ဆိုရင်
ပြင်သစ်ကလပ်မာဆေးလ်၊
ဂျူဗင်တပ်က အောဘိုနာ၊ ခရစ္စတယ်ပဲလေ့စ် ဆိုရင်လည်း ပီအက်စ်ဂျီကွင်းလယ်သမား
ကာဗာယီတို့ကို ခေါ်ယူအားဖြည့်ထားခဲ့ကြပါ တယ်။ တန်းဆင်းဇုန်ရောက် ဆန်းဒါးလန်း
အသင်းဆိုရင်လည်း ဘိုင်ယန်မြူးနစ်ကစား သမား ယန်ကာခ်ျ့ဟော့ဖ်ကို အားဖြည့်လိုက်
တာတွေ့ရပါတယ်။ ဘိုင်ယန်မြုးနစ်နဲ့အတူ ချန်ပီယံလိဂ်ပွဲတွေ ကစားထားခဲ့တဲ့သူဖြစ်ပါတယ်။
ဆန်းဒါးလန်းလို တန်းဆင်းဇုန်အသင်း ဆီကို ရဲရဲတင်းတင်းလာကစားရဲတယ်ဆိုတာ
ဆန်းဒါးလန်းကပေးတဲ့ လုပ်ခလစာ မြိုးမြိုးမြက်မြက် ရခဲ့တာကြောင့်ဆိုတာထင်ရှားနေပါတယ်။
ဘုန်းမောက်၊ ဆန်းဒါးလန်း တို့လိုပဲ တန်းတက် နောဝစ်ခ်ျအသင်း ဟာလည်း အားဖြည့်မှုတွေ
လုပ်နေတာကိုတွေ့ရပါတယ်။
နောဝစ်ခ်ျဟာ အင်တာ မီလန် နောက်တန်းသမား ရာနော့ချီယာကို တစ်နှစ်လုပ်ခလစာ
သုံးသန်းနဲ့ ကမ်းလှမ်းနေ ပါတယ်။ နောဝစ်ခ်ျဟာလည်း ဆောင်းရာသီ ဈေးကွက်မှာ
တော်တော်လေးပြင်ဆင်ဖွယ် ရှိနေပါတယ်။ အဲဗာတန်မှာ လူစားဝင် ကစားရင်း
ခြေစွမ်းပြနေတဲ့ နေးစမစ်ဟာ နောဝစ်ခ်ျ ကိုရောက်ဖို့ တော်တော်နီးစပ်နေပြီ ဖြစ်ပါတယ်။
ဒီလိုပြင်ဆင်နေခြင်းဟာ တန်းမဆင်း ရဖို့အတွက်ဆိုတာ ထင်ရှားနေပါတယ်။ အာဆင်နယ်
မန်နေဂျာ အာဆင်ဝင်းဂါးက တော့ ပရီမီယာလိဂ်ရဲ့ ရုပ်သံဝင်ငွေခွဲဝေပေးမှု မျှတမှု ရှိလာခြင်းက
အသင်းငယ်တွေ အတွက် တိုးတက်မှုဖြစ်လာစေခဲ့ပြီး ပရီမီယာ လိဂ်ဟာလည်း ပြိုင်ဆိုင်မှု ပြင်းထန်တဲ့လိဂ်ဖြစ်လာစေခဲ့တယ်လို့ဆိုထားပါတယ်။
ဒီနှစ် ဟာ ပြီးခဲ့တဲ့နှစ်များကနဲ့မတူအောင်ကို ထိပ်သီးအသင်းတွေဟာ ခက်ခက်ခဲခဲ
ကစားနေရတာကို တွေ့ရမှာပဲဖြစ်ပါတယ်။ လက်ရှိ ချန်ပီယံ ချယ်လ်ဆီးကိုယ်တိုင်
အခက်အခဲတွေ့နေတာ၊ ၀က်စ်ဟမ်းနဲ့ စတုတ်တို့လိုအလယ်အလတ်အသင်းတွေဟာ
ထိပ်သီး အသင်းကြီးတွေကို အနိုင်ကစားနိုင်ခဲ့တာတွေဟာ မထင်မှတ်တဲ့ရလဒ်လို့
တချို့ပြောဆိုနေကြပေမယ့် တကယ်တော့ ပြိုင်ဆိုင်မှု ပြင်းထန်ခြင်းနဲ့ အသင်းငယ်တွေနဲ့
အသင်း လတ်တွေရဲ့ တိုးတက်လာခြင်းကြောင့် သာပဲဖြစ်ပါတယ်။ အရင်ကဆိုရင် အသင်းငယ်နဲ့
အသင်းလတ်တွေ ဟာ ကစားသမားဖြည့်မယ်ဆိုရင် အင်္ဂလန် ပြည်တွင်းဝန်းကျင်ပဲ ရှာဖွေနိုင်ခဲ့၊
အငှား ကစားသမားတွေသာ ဖြည့်တင်းနိုင်ခဲ့ကြပေမယ့် အခုတော့သူတို့ကိုယ်တိုင် ငွေရှိလာတဲ့
အခါ စိတ်ကြိုက်ကစားသမားကို ရှာဖွေလာ ကြတာပဲဖြစ်ပါတယ်။ ခရစ္စတယ်ပဲလေ့စ်လို၊
ဘုန်းမောက်အသင်းလို အသင်းလေးတွေကို အမေရိကန်ရင်းနှီးမြှုပ်နှံသူတွေက လာရောက်
ရင်းနှီးမြှုပ်နှံနေကြတယ်ဆိုတာကို ကြည့်လိုက် ရင် ပရီမီယာလိဂ်ဟာ မက်လောက်တဲ့ဝင်ငွေ
ရှိထားတယ်ဆိုတာက ထင်ရှားနေခဲ့ပါတယ်။ ဒီအသင်းလေးတွေကို လာပြီးရင်းနှီးမြှုပ်နှံဖို့ ဆိုတာ
သာမန်ဆိုရင် မဖြစ်နိုင်ပါဘူး။
ရေရှည် အကျိုးအတွက် သူတို့တွေ ရင်းနှီးမြှုပ်နှံနေ တာကို ကြည့်လိုက်ရင် အသင်းလတ်၊
အသင်း ငယ်တွေဟာ ပိုပြီးတောင့်တင်းလာမယ့်အနေ အထားကို ရောက်လာနေပြီ ဖြစ်ပါတယ်။
ပရီမီယာလိဂ်ရဲ့ ရုပ်သံခွဲဝေမှုရဲ့ မျှတတဲ့သက်ရောက်မှုက အသင်းငယ်တွေ နာလန်ထူ
လာနိုင်တာမို့ အခြားသောလိဂ်တွေက အသင်းတွေအတွက် နမူနာဖြစ်လာခဲ့ပါတယ်။
ဒါကြောင့်လည်း ပရီမီယာလိဂ်က အသင်းငယ်တွေဟာ စီးရီးအေကစားသမားတွေကို
စိတ်ဝင်စား ခေါ်ယူဖို့ ပြင်ဆင်နေကြခြင်းဖြစ် ပါတယ်။ အီတာဘီနဲ့အတူ ဘယ်သူတွေ
ရောက်လာမလဲ ဆိုတာ စိတ်ဝင်စားစရာပါပဲ။
