ရှမ်းပြည်နယ် ရွာငံအနီး အမျိုးသမီးတစ်ဦးကိုခေါင်းဖြတ်သတ်သည့် တရားခံ မန္တလေးတွင် ဖမ်းမိ
ရှမ်းပြည်နယ်တောင် ပိုင်း၊ ရွာငံမြို့နယ်၊ ညောင်အိုင် ကျေးရွာတွင် အမျိုးသမီးတစ်ဦး ခေါင်းဖြတ်သတ်ခံရမှုကို ကျန်ရစ် သူမိသားစုက အမှုဖွင့်တိုင်တန်း အပြီး ၂၄ နာရီအတွင်း ဖမ်းဆီးရမိ ခဲ့ကြောင်း ရှမ်းပြည်နယ်ရဲတပ်ဖွဲ့ မှူးရုံးမှ သတင်းရရှိသည်။
ဇန်န၀ါရီ ၂၇ ရက် နေ့လယ် ၂ နာရီက ညောင်အိုက်ကျေးရွာ၊ ညောင်ပင်လယ်တံတားမြောက် ဘက် ရင်စစ်ချောင်းအတွင်း အ သက်(၂၁) နှစ်အရွယ် အမျိုးသမီး တစ်ဦး ဦးခေါင်းပြတ် သေဆုံးနေသည်ကို တွေ့ရှိခဲ့ပြီး သေဆုံးသူ ၏ မိသားစုက ရွာငံမြို့နယ် မြို့မ ရဲစခန်းတွင် တိုင်တန်းခဲ့ခြင်း ဖြစ် သည်။
‘‘ပတ်ဝန်းကျင်မှာ စုံစမ်းစစ် ဆေးတာတွေကို တောင်ကြီးခရိုင် ရဲတပ်ဖွဲ့မှူးကိုယ်တိုင် ကွင်းဆင်း စစ်ဆေးဖော်ထုတ်တဲ့အခါ လူ သတ်မှုကျူးလွန်တယ်လို့ ယူဆရ တဲ့ သံသယရှိသူကို ဖော်ထုတ်နိုင် ခဲ့တာပါ။ အမှုဖြစ်ပြီး တရားလို မိသားစုတွေဘက်က လူပျောက် တိုင်တန်းပြီးချိန်ကနေ တရားခံလို့ သံသယရှိသူကို ဖမ်းဆီးရမိချိန် တွက်ကြည့်ရင် ၂၄ နာရီမတိုင်မီ ဖမ်းဆီးရမိခဲ့တယ်’’ဟု ရှမ်းပြည် နယ်ရဲတပ်ဖွဲ့မှူးရုံးမှ ပြောရေးဆို ခွင့်ရှိ ရဲဦးစီး(၁) ဒုရဲမှူးကြီးဆန်း လွင်က ပြောသည်။
လူသတ်မှုကျူးလွန်သည်ဟု ယူဆရသည့် တရားခံသည် မန္တ လေးမြို့သို့ ထွက်ပြေးတိမ်းရှောင် ခဲ့ခြင်းဖြစ်ပြီး မန္တလေးတိုင်းဒေသ ကြီး ရဲတပ်ဖွဲ့နှင့် ရှမ်းပြည်နယ်ရဲ တပ်ဖွဲ့တို့ ပူးပေါင်း၍ ဖမ်းဆီးရမိ ခဲ့ခြင်းဖြစ်သည်ဟု ရှမ်းပြည်နယ်ရဲ တပ်ဖွဲ့မှူးရုံးမှတ်တမ်းတွင် ဖော် ပြထားသည်။
‘‘လူငယ်သဘာဝ လူမှုရေး ကိစ္စစကားများရာကနေ ကားထဲ မှာပါတဲ့ဓားနဲ့ ခုတ်ထည့်လိုက်ရာ ကနေ ဖြစ်သွားတယ်လို့ ၀န်ခံ ထားတယ်။ သူကျူးလွန်ခဲ့တဲ့သက် သေခံဓားကိုလည်း သိမ်းဆည်းရ မိထားပြီးဖြစ်ပါတယ်’’ဟု ဒုရဲမှူး ကြီး ဆန်းလွင်က ပြောသည်။
လူမှုကွန်ရက် ဖေ့စ်ဘွတ်စာ မျက်နှာတွင် ခေါင်းဖြတ်သတ်ခံရသည့် အမျိုးသမီးငယ်၏ အ လောင်းပုံများ ပျံ့နှံ့ခဲ့ပြီး အင်တာ နက်စာမျက်နှာများတွင် ဖော်ပြ ထားသလို ဆေးကြောင်သူများ ၀ိုင်းခုတ်သတ်ခြင်း၊ အဓမ္မပြုကျင့် ခံရခြင်းစသည့် လက္ခဏာများမ တွေ့ရှိရကြောင်း ရှမ်းပြည်နယ် ရဲတပ်ဖွဲ့မှူး ရုံးမှတ်တမ်းများအရ သိရှိရသည်။
သေဆုံးသူ အမျိုးသမီးသည် ဇန်န၀ါရီ ၂၆ ရက် နေ့လယ်က အပြင်သွားရာမှ ည ၁၀ နာရီအထိ အိမ်ပြန်ရောက်မလာ၍ ရွာငံမြို့မရဲစခန်းတွင် အမှုဖွင့်တိုင်ကြားခဲ့သည်။
ဇန်န၀ါရီ ၂၇ ရက် နေ့လယ် ၌ ညောင်အိုက်ကျေးရွာ၊ ညောင် ပင်လယ်တံတား မြောက်ဘက် ရင်စစ်ချောင်းအတွင်း အသက် (၂၁)နှစ်အရွယ် အမျိုသမီးတစ်ဦး ဦးခေါင်းပြတ်လျက် သေဆုံးနေ သည်ကို တွေ့ရှိကြောင်း ရှမ်းပြည် နယ် ရဲတပ်ဖွဲ့မှူးရုံးမှ သိရသည်။
