Online ပေါ်က ကိစ္စ သရုပ်ဆောင်မင်းမော်ကွန်းပြောပြီ

ဘယ်လိုရည်ရွယ်ချက်တွေများလဲခင်မျာ ဘာအငြိုးတွေကြီးနေကြပါသလဲ ဘာလို့ခဏခဏအစတွေပြန်ပြန်ဖေါ်ပြီး ရန်တိုက်နေကြပါသလဲ တော်တော်များများသိပြီးဖြစ်ပေမယ့် ထပ်ဖြေရှင်းဖို့လိုအပ်မယ်ထင်လို့ မသိသေးတဲ့သူများအတွက် ထပ်ဖြေရှင်းလိုက်ပါတယ် ဒီဓါတ်ပုံရဲ့ရာဇဝင်ကိုစပြောပါရစေ လွန်ခဲ့တဲ့၁၂နှစ်ကျော်က ကျွန်တော့်သားကြီး၅ နှစ်သားအရွယ်မှာ ဗုဒ္ဓဘာသာဝင်တစ်ယောက်အနေနဲ့ ရှင်ပြုပေးပါတယ် သားရှင်ပြုရင်းကျွန်တော့်သူငယ်ချင်းများ လုပ်ဖေါ်ကိုင်ဘက်များအတော်များများကိုလဲ ကျွန်တော်တို့မိသားစုမှရဟန်းဒါယကာခံပြီး ကုသိုလ်ပြုပါတယ် ကျွန်တော်ကိုယ်တိုင်လဲရဟန်းဝတ်ပါတယ် အပါးလေးဆယ်လောက် အနဲဆုံးရှိပါလိမ့်မယ် ကျွန်တော်တို့ဒုံလဘဝတ်ပေမယ် ဝိနည်း သိခ္ခါပုတ်တွေကို တတ်နိုင်သမျှစောင့်ထိမ်းပါတယ် ဒီဓါတ်ပုံဟာ ကျွန်တော်တို့လူထွက်တဲ့နေ့မှာ ရဟန်းသိခ္ခါချအပြီး ကိုရင်ကြီးဘဝနဲ့ ဘုန်းကြီးကျောင်းသန့်ရှင်းရေးလုပ်ကြရင်း ရိုက်တဲ့ပုံဖြစ်ပါတယ် အဲဒါကြောင့်အပေါ်သင်္ဃန်းမပါခြင်းဖြစ်ပါတယ် အများပြည်သူပြသဖို့လဲမဟုတ်သလို Facebook အပါအဝင်ဘယ်မှာမှလဲမတင်ခဲ့ပါဘူး ဆိုလိုတာကသာသနာကို အကြည်အငြိုပျက်အောင် ရည်ရွယ်ကြံစည်ရိုက်ကူးဖေါ်ပြခဲ့ခြင်း လုံးဝမဟုတ်တာပါပဲ နောက်နှစ်အနည်းငယ်ကြာတော့ ရွှေဝါရောင်တော်လှန်ရေးဖြစ်ပါတယ် အဲဒီအချိန်ကျမှ အချိန်ကိုက်ပြီး (သာသနာတော်ကိုစော်ကားလိုက်တဲ့မင်းမော်ကွန်း) ဆိုတဲ့ခေါင်းစဉ်နဲ့ အခုဓါတ်ပုံတွေတက်လာပါတယ် ဘယ်ကဘယ်လိုဓါတ်ပုံတွေပေါက်သွားလဲ ကျွန်တော်စဉ်းစားလို့မရပါဘူး ကျွန်တော်တော်တော်လည်းတုန်လှုပ်ပါတယ် တကယ့်အိမ်မက်ဆိုးပါပဲ ကျွန်တော်လုပ်ခဲ့တဲ့ကုသိုလ်ဟာ အဲဒီအချိန်မှာတော့အကုသိုလ်လို့ အထင်ခံအမြင်ခံရပါတယ် ဝေဖန်မှူတွေ အများကြီးပါပဲ ဘယ်လိုရည်ရွယ်ချက်နဲ့လုပ်လုပ် ကျွန်တော့်ဓါတ်ပုံတွေonline ပေါ်တက်နေပါပြီ အိမ်သာဆေး တံပျက်စည်းလှည်း ကြမ်းတိုက် အမိုက်သိမ်းနေတဲ့ပုံတွေကျတော့ မပါပါဘူး ဘာပဲဖြစ်ဖြစ်အဲဒီဓါတ်ပုံရိုက်ခဲ့မိတာကိုက ကျွန်တော့်အမှားပါ ဘယ်သူတင်တင် ကျွန်တော်တာဝန်ယူပါတယ် ခေါင်းခံပါတယ် ကျွန်တော်ချက်ချင်းဖြေရှင်းပါတယ် Online က ဂျာနယ်တွေက BBC,RFA စတဲ့မြန်မာပိုင်းအစီအစဉ် အင်တာဗျူးတွေက ပြီးတော့ သံဃာ့မဟာနာယကဆရာတော်ကြီးတွေ ကျွန်တော်တို့ဒုံလဘ ဝတ်တဲ့ ဓမ္မစေတီကျောင်းတိုက်ကဆရာတော် သံဃာတော်များကို အဖွဲ့လိုက်(ဓါတ်ပုံထဲမှာပါသူများ) လျောက်ထားတောင်းပန်ခဲ့ကြပါတယ် ဘယ်လိုပဲဖြစ်ဖြစ် အဲဒီဒါဏ်ကတော့ ကျွန်တော်အလူးအလဲခံစားရတာပါပဲ အဲဒီအတွက်ကိုလဲ ဘယ်သူ့ကိုမှအပြစ်မတင်ပါဘူး ကိုယ်သတိမထားလို့ မဆင်ခြင်လို့ဖြစ်တယ်လို့ပဲသဘောထားပါတယ် သင်ခန်းစာယူပါတယ် ပြန်ဆောက်တည်ပါတယ် ခုထိလည်းအချိန်ပေးပြီး ဘာသာရေးလူမှူရေး ပရဟိတ တွေကိုတတ်နိုင်သမျှလုပနေတုန်းပါပဲ ကျွန်တော်ဗုဒ္ဓဘာသာအစစ်ပါ နေ့တိုင်းသရနဂုံဆောက်တည်ပါတယ် ကျွန်တော့်မိဘ ကျွန်တော့်အဖိုးအဖွား ကျွန်တော့်မျိုးရိုးအကုန် ဗုဒ္ဓဘာသာတွေပါ ဘုရား တရား သံဃာ ကိုစိတ်နဲ့တောင်မပြစ်မှားရဲပါဘူး ကျွန်တော်သစ္စာဆိုပါတယ် အစပြန်မဖေါ်ကြပါနဲ့တော့